(NLTimes)—Hulanda ta bay prohibi contractnan di huur temporario, cu un par excepcion, y a haci contract di huur permanente e standard atrobe. E ley di iniciative pa e efecto aki for di PvdA y e partido di coalicion ChristenUnie a ricibi un sosten mayor den Tweede Kamer.

E iniciativa aki casi no a tuma luga pa via di dos cambio controversial cu VVD y CDA kier a implementa pa aumenta e cantidad di excepcion. Pero segun Henk Nijboer di PdvA y Pieter Grinwis di CU, e cambionan lo contradeci e proposito di e iniciativa.

E pleito politico a causa e reapertura di e debate. Durante e discusionnan, CDA a hala nan sosten back aden pa e modificacion di VVD, cual ta indica cu propietarionan priva cu ta huur nan segunda cas por evacua un huurdo si nan kier bende e cas. Segun PvdA y ChristenUnie, e riesgo di abuso den esaki ta demasiado halto.

Nijboer a calcula cu esaki ta envolvi 140.000 220.000 hogar. E ta kere cu hopi propietario lo inclui un clausula di benta den e contract, pasobra un cas sin huurdo ta bale al menos 30% mas ora e bende. Parlamentario di VVD, Peter de Groot, a rechasa e nocion cu tur propietario lo haci esey y a bisa cu esaki ta afecta un grupo relativamente chikito. Pero Nijboer a argumenta cu e huurdo no lo tin proteccion mes y nunca ta durf di keha cerca e propietario tocante defectonan den cas, pa miedo cu lo evacu’e.

E ley nobo tambe ta permiti pa propietarionan priva termina e contract si nan kier un famia di prome grado muda den nan hogar. E contract di huur mester indica esaki avansa—e corte ainda ta evaluando e clausula aki. a inclui un propuesta pa e efecto aki for di CDA den e iniciativa cu e puntonan di seguridad aki. Parlamentario di CDA, Inge van Dijk, a hala back aden un propuesta di modificacion mas complica for di CDA pa semper duna propietario e opcion ey. Tambe el a presenta un otro propuesta pa laga hende cu ta bay biba hunto huur un di nan cas a base di un prueba. Nijboer y Grinwis ta di acuerdo cu esaki.

E dos modificacion a molestia e iniciadonan asina hopi cu nan a menasa di no sigui cu e ley. Cu nan iniciativa, Nijboer y Grinwis kier inversa e introduccion di contract di huur flexibel na 2016. Segun nan, tabata uza e contractnan temporario aki demasiado, cual a causa inciertud y stress entre hopi huurdo, pasobra nan por wordo evacua facilmente despues di dos aña. Solamente VVD y Groep van Haga a vota contra e prohibicion di contract temporario.