(NLTimes)—Un nurse di un institucion di salud mental a ser suspendi pa participa den relacionnan sexual cu un pashent vulnerabel for di e departamento unda e tabata traha. El a bishita e pashent na cas, y tene relacion cune, y a mand’e mensahenan y potret explicito. Tambe el a horta un remedi sedante na duna e pashent. Esaki a ser considera extremamente inadecua pa e tribunal disciplinario na Amsterdam.
E nurse a ser suspendi pa diesdos luna, di cual seis ta condicional. Durante e periodo aki, e no tin permiso pa traha den cuido medico. Tambe ta rekeri di dje pa haya terapia cu un psicologo. E tribunal disciplinario no a publica e nomber di e instituto unda e nurse tabata traha. El a cuminsa traha na e instituto na september 2021. E pashent involucra e ser admiti den su departamento december di e mesun aña ey. E pashent a reporta e comportamento di e nurse na un miembro di personal na januari.
Durante su combersacion cu e supervisor, inicialmente e nurse a nenga tur acusacion, pero despues a confesa. El a ser kita for di trabao inmediatamente. Segun e tribunal, tin 300 pagina di screenshot di mensahenan explicito entre e dos partido involucra.
