(NLTimes)—Hulanda no ta provee cuido adecua pa bomberonan cu post-traumatic stress disorder (PTSD) como un resulta di e trauma cu nan ta sufri durante nan carera, Zembla ta reporta despues di conduci investigacion. Bomberonan mester busca ayudo nan mes of bringa nan empleadornan den corte pa ayudo.
Segun cifranan oficial, solamente un par bombero Hulandes tin PTSD. Sinembargo, investigacion internacional ta indica cu e cantidad di berdad por ta cerca di 1,500. Desde 2006, e departamento di bombero tambe ta responde na resucitacion pasobra e tin un tempo di respuesta mas cortico cu ambulance. Zembla a descubri cu e brigada di candela actualmente ta conduci mayoria resucitacion compara cu tur servicio di emergencia.
Na Amsterdam y Rotterdam so, bomberonan a conduci casi 2,000 resucitacion aña pasa. Esey ta inclui babynan y muchanan chikito. Den aproximadamente 80% di resucitacion, e victima ta muri.
Actualmente, mayoria di e 25 region di seguridad Hulandes no tin un bista den e cantidad di bomberonan cu PTSD den nan brigada. E excepcion ta na Amsterdam Amstelland, cual a lansa un “areglo di lenidad” temporal pa hende cu PTSD den 2022 pa asina e bomberonan aki no enfrenta recorte di salario. Segun hefe di brigada di candela na Amsterdam, Tijs van Lieshout, 43 bombero a registra pa e skema ey.
Noordoost-Gelderland y Twente ambos a conta Zembla cu nan sa di tres caso, y Friesland a bisa cu el a referi 13 bombero cu posibel sintoma di PTSD pa ayudo durante e dos añanan cu a pasa. Haagland a conta shete posibel caso durante e ultimo cinco aña.
