(CuraçaoChronicle) – Gobierno demisionario di Hulanda no ta bay duna conseho mas riba biahe pa Corsou y otro destinacionnan dentro di Reino Hulandes. Solamente den caso di un variante di preocupacion di e coronavirus lo duna un conseho negativo pa biahe atrobe, segun minister encarga di Salubridad Publico y Bienestar, Hugo de Jonge a informa Tweede Kamer.
E carta di De Jonge na Tweede Kamer ta contene e respuesta y decisionnan di e gabinete saliente Rutte III riba e di 121 recomendacion di Outbreak Management Team (OTM) di Hulanda. E cuerpo aki a conseha e minister riba, entre otro asunto, biahe na Hulanda Caribense. Den su carta, De Jonge a indica cu for di dia 1 di juli, Hulanda y otro ciudadano Europeo por biaha dentro di Europa cu un Certificado di Covid Digital (DCC). E proposito di e documento di biahe aki ta pa biaha lo mas sigur y libre posible sin obstaculo dentro di Union Europeo (UE).
“E introduccion di DCC ta e motibo pa cambia e politica di biahe actual. Pa prome, gobierno Hulandes no ta bay descurasha biahe dentro di UE y parti Caribense di Reino mas”, De Jonge a bisa.
E decision tabatin efecto inmediato. Hulanda lo duna conseho di biahe atrobe solamente den evento cu tin un variante peligroso nobo di e coronavirus.
Ademas, De JOnge a declara cu no lo aplica obligacion di cuarentena na biaheronan drentando for di paisnan di UE y parti Caribense di Reino. Lo reintroduci e medida aki si tin un variedad nobo di preocupacion.
“Pa preveni importacion di coronavirus for di exterior lo mas posibel, for di dia 8 di augustus tambe ta bay ta obligatorio pa biaheronan mayor di 12 aña for di tur pais di UE, y parti Caribense di Reino, kende no tin un conseho berde di biahe, pa mustra un certificado di test, recuperacion of vacunacion. Esaki tambe ta aplica na hende Hulandes cu a biaha cu vakantie prome cu dia 8 di augustus y cu ta bay biaha back na Hulanda riba of despues di dia 8 di augustus”, De Jonge a skirbi na Tweede Kamer.
E minister a splica cu e fecha di 8 di augustus a wordo selecta pa ofrece hende Hulandes cu ya ta riba vakantie un periodo di transicion apropia pa asina preveni sorpresa desagradable. Den linea cu esaki, e gabinete encarga tambe a dicidi cu for di dia 8 di augustus, un test PCR (polymerase chain reaction) por ser tuma no mas cu 48 ora prome cu salida. Esaki tambe ta aplica na Bonaire, St. Eustatius y Saba.
A pesar di e aumento grandi den casonan di coronavirus den ultimo dos siman, gobierno Hulandes ta mantene e codigo color geel pa Corsou, mientras gobierno di Corsou ta continua designando Hulanda como un pais di ‘riesgo hopi halto’.
E clasificacion aki ta nifica cu turista Hulandes, como tambe residentenan cu ta bolbe, mester tin un test PCR haci no mas cu 72 ora prome cu nan vuelo pa Willemstad. Nan mester presenta e declaracion di test negativo aki na momento di yega Aeropuerto di Hato. Tres dia despues di nan yegada nan tambe mester haci test di antigen. Nan mester regla nan cita pa test di antigen prome cu aborda nan vuelo pa Corsou.
