(NLTimes)—No tin mas pashent cu Covid-19 den e unitnan di cuido intenso (ICU) na hospitalnan Hulandes. Esaki ta marca e prome biaha cu no tin pashent di Covid-19 den ICU desde februari 2020, ora e coronavirus a ser identifica pa prome biaha na Hulanda.
Durante e pik di e pandemia, durante e prome ola na april 2020, e ICUnan a admiti mas cu 1.400 pashent di Covid-19. Cuido medico regular na Hulanda a tranca como resultado. E unico dos pashent den cuido intensivo cu e malesa diahuebs atardi no ser lista den ICU un dia siguiente. Ainda no ta cla si esey ta pa via cu nan condicion a mehora, of paso nan a fayece.
Cifranan di pashent ta ser evalua un bes pa dia, pues e falta di pashent den ICU ta solamente un “snapshot”, segun e Centro Nacional di Coordinacion pa e Distribucion di Pashent (LCPS) a subraya. Por ta cu un hende a ser transferi di un otro camber pa ICU.
E cifra tambe ta ofrece ningun garantia pa e futuro, como cu nivel di pashent por cambia. E entrada di pashent nobo den cambernan di cuido regular a aumenta un tiki den e ultimo simannan, probablemente debi na e aparicion di un sub-variante nobo di coronavirus.
Na comienso di e luna aki, aproximadamente 70 pashent cu e malesa di coronavirus tabata den un camber di cuido regular. Desde e tempo ey, e cifra a aumenta cu mas di 70. E plamamento di coronavirus ta controla awo por medio di midi e cantidad di particula descubri den e sistema di riool. Tambe tabatin un aumenta den e cifranan aki den e ultimo simannan. Esaki por indica cu mas hende ta infecta cu e virus. Ta dificil pa ta sigur si esaki ta e caso, pasobra e programa di test pa coronavirus den scala grandi a caba.
