(NLTimes) – Hulanda mester cuminsa tuma medida awo pa por anda cu elevacion di mas di un meter di nivel di lama pa fin di e siglo aki, segun instituto di conocemento Deltares a bisa den un rapport publica diabierna. Esey ta cuminsa cu gobierno reevaluando nan inversionnan mayor den areanan residencial y industria pa sigura cu nan no ta bay limita escogencianan despues pa strategianan contra e nivelnan di lama, NRC ta reporta.
Ta bay dura dos decada ainda prome cu e consecuencianan di e elevacion di nivel di lama ta visible claramente na Hulanda. Pero si politiconan ainda no ta considera con Hulanda ta bay mustra aki 50 pa 100 aña, e escogencianan automaticamente ta bira menos, investigador di Deltares, Marjolijn Haasnoot a bisa e corant. “Nos ta papiando di e tarea di adopcion a largo plaso. E ta asina grandi cu bo mester pensa riba dje awo”, Haasnoot a bisa. “Algun di e inversionnan cu nos ta haciendo awo ta determina si e reto aki ta bay bira mas grandi ainda. Y nan ta reduci bo habilidad pa adapta na e elevacion di nivel di lama. Bo ta keda cera. Bo ta landa den un trampa for di cual ta dificil pa sali.”
“Den areanan veenweide, manera cerca di Gouda, ta ahustando e nivel di lama pa construi areanan residencial. Tambe ta construyendo barionan na Utrecht y Leiden. Arnhem kier construi uiterwaarden. Esaki ta tene cuenta cu adaptacion na elevacion di nivel di lama? Na momento di inverti pa e transicion energetico, manera e construccion di fabricanan di hidrogeno den waf di Rotterdam, tambe mester considera e consecuencianan pa maneho di awa.”
“Pa largo nos a pensa cu ainda tin tempo y cu Hulanda por tin tur opcion habri”, Hasnoot a bisa. Pero esey no ta berdad mas. “Si parti di gobierno awo tuma tur sorto di decision sin tene cuenta cu esaki, managernan di awa pronto no ta bay tin opcion mas. Eynan nos ta bayendo awo.”
Segun e investigadornan di Deltares, awo tin cuatro manera pa maneha e elevacion di nivel di lama, teniendo cuenta cu saca awa for di riu y lama ta bay bira cada bes mas dificil. E prome forma ta pa move cune door di move actividadnan, muhando e veenweide den west, lagando hopi espacio pa naturalesa y si ta necesario, construi ciudadnan flotante riba seronan enorme.
E segundo opcion ta pa bay den lama – crea un costa nobo algun kilometer leu for di costa, cu islanan, un lago y espacio pa vivienda y pa warda awa di riu. E tambe por inclui un ahuste extremo manera e dam entre Noruega, Inglatera y Francia.
E di tres opcion ta proteccion cera – cera e Nieuwe Waterweg cerca di Rotterdam y manda e awa di riu den lama cu un sistema di pomp gigante, posiblemente den combinacion cu descarga mas awa di riu den lama via Zeeland of door di e IJssel na e IJsselmeer.
Y finalmente, Hulanda mester considera proteccion – temporalmente cera e Nieuwe Waterweg mas frecuentemente den combinacion cu dijknan mas halto banda di riunan y construccion adapta. E opcion aki tambe ta bay rekeri pa descarga hopi mas awa a traves di Zeeland. “Nos mester pone e awa ey un caminda”, Haasnoot a splica NRC. “Mester tin espacio pa esey. Pues bo no por construi eynan. Y si bo hacie, manera hopi municipalidad na Zeeland kier haci, managernan di awa no por bay den e direccion aki mas.”
