E cantidad di armanan legal na Hulanda a cay na un cantidad di 197,357 aña pasa, e cantidad mas abou den e ultimo 12 aña segun cifranan policial. Esaki kier men cu tin 114 arma legal pa cada 10 mil hende na Hulanda.
Den 88% di casonan ta pidi pa permiso pa carga e arma pa deporte of pa jaagmento. Den cierto otro casonan, e ta destina pa proteccion di privacidad, actuacionnan historico y coleccionnan priva.
Legislacion en cuanto armamento a bira mas estricto desde e incidente di 2011 na e supermercado na Alphen aan de Rijn unda un tiramento a mata 6 persona. Esun cu a causa e mortonan, Tristan van der Vlis, tabatin varios arma registra maske tabata conoci cu e tin problemanan psicologico.
Desde e incidente, personanan interesa den aplica pa un permiso di posesion di arma mester pasa testnan psicologico y duna tres referencia. Mayoria di armamento pa persona ta circula rond di e islanan di e lama Wadden, Schiermonnikoog y Ameland, unda tin 683 y 552 arma pa cada 10 mil persona, respectivamente. E areanan cu menos posesion di armamento ta Amsterdam (38 pa cada 10 mil hende), Eindhoven (37) y Utrecht (35).
