(NLTimes) – Un mayoria di miembro di Parlamento a indica cu nan no kier sigui cu e proposicion di Gabinete cu lo permiti personanan cambia nan genero den e record di nacemento oficial di e pais cu mas facilidad.
E mocion di NSC y SGP ta haci yamado na e Gabinete pa retira e relahacion proponi di e ley Transgenero dentro di 4 siman, y aproba cu 73 na fabor y 70 den contra.
Diamars su voto no solamente a dividi e gabinete actual, sino tambe a dividi e 4 partidonan cu actualmente ta purbando forma un coalicion pa goberna. Partidonan cu a uni na NSC y SGP ta inclui PVV, BBB, ChritenUnie, Denk, FvD y Ja21. E partidonan den oposicion ta inclui GroenLinks-PvdA, VVD, D66, CDA, SP, PvdD y Volt. 7 parlamentario no a vota, incluyendo lider di FvD Thierry Bauden, D66 su parlamentario Rob Jetten y un colega di partido ademas di 2 cada un di PVV y CDA.
E ley actual a rekeri pa e persona haya un declaracion di experto cu ta sostene e decision ora di cambia nan genero den e registro, cual despues ta ser usa den documentonan oficial manera certificado di nacemento, paspoort y otro formanan di identificacion. E proposicion di ex Minister di Proteccion Legal Sander Dekker tin e meta di kita e rekisito aki.
