Hulanda: Mas hoben ta kita for di scol sin cualificacion basico

(NLTimes)—Un cantidad creciente di hobennan na Hulanda no ta siguiendo cu nan educacion y no a alcansa e nivelnan cu gobierno ta mira como “cualificacionnan basico”. Cifranan di e Centraal Bureau van de Statistiek (CBS) ta mustra cu e cantidad di hobennan na cual esaki ta aplica a aumenta pa 50,000 den e ultimo tres añanan, cual ta un aumento di casi 40 porciento.

E gobierno tin e meta pa hobennan alcansa al menos e nivelnan di HAVO, VWO of un educacion vocacional secundario, conoci tambe como nibel MBO-2. Cualkier hende cu un nivel di educacion mas abao cu esaki tin menos chens pa haya un trabao bon y stabiel.

Sinembargo, e cifranan for di e oficina di estadistico tambe ta mustra cu e mayoria di e hobennan aki te cu edad di 27 aña tin trabao, aunke e ta mas frecuente cu no un contracto flexible compara cu hobennan cu tin e cualificacionnan basico.

Aproximadamente 54,000 di e grupo cu no ta bay scol y cu no tin cualificacionnan basico no ta emplea. Segun e cifranan di CBS, aproximadamente un den tres di esnan ta buscando pa trabao. Mayoria di e hobennan aki no ta disponible pa trabao; nan ta ineligible. “Enfermedad of descapacidad tabata e motibo mas frecuente cita pa cu esaki,” e agencia di estadistico a splica.

CBS no tabatin splicacion pa e aumento, bisando cu mester mas investigacion riba esaki. Hefe di sociologia Tanja Traag a menciona varios factor cu a contribui na e aumento aki. El a bisa cu hopi estudio ta mustra “un porcion significante di hobennan cu a pasa duro mentalmente” durante e pandemia di coronavirus y despues. Problemanan psicologico ta frecuentemente un motibo pa kita for di un curso educacional. Na 2022, aproximadamente un kwart di studiantenan cu a kita for di scol a menciona esaki como motibo.

Sinemargo, un aumento den kitamento for di scol prematuramente tabata evidente caba den e añanan prome cu e pandemia di coronavirus. E trend aki a frena durante e añanan di pandemia pasobra examennan central a ser cancela, cual a resulta cu hopi hoben a cuminsa un curso di MBO.

Traag a bisa cu ta posible cu algun di e hobennan “no a logra of a yega na e conclusion cu nan a tuma e decision incorecto.”

E grupo di hobennan cu actualmente no ta siguiendo cu nan educacion pero si a alcansa e nivel minimo tambe a aumenta. Durante e ultimo tres aña, 72,000 hoben entre edad di 15 y 27 a ser agrega na e categoria aki, treciendo e total na casi 700,00 hende.