Reino Hulandes ta bay brinda yudansa pa calamidad na Bahamas. Pargonan di Marina Zr.Ms. Johan de Witt y Zr.Ms. Snellius na e momentonan aki ta preparando pa duna yudansa lihe na e grupo di islanan aki. E Barconan di Marina ya ta den e area di Caribe en conexion cu e ehercicio grandi pa calamidad Caribbean Coast. E ehercicio ey ta duna espacio pa yudansa berdadero y fiho den calamidad, despues di un peticion pa yudansa di Bahamas via di organisacion regional pa yudansa den caso di desaster CDEMA (Caribbean Disaster Emergency Management Agency).

 Ambos barco di Marina na e momentonan aki ta ubica na Sint Maarten pa atende preparacion logistico pa un operacion di yudansa. Manera ta di spera e barconan aki ta sali dentro di algun dia y dia 11 di september nan lo ta na e luga pa brinda yudansa. Con e contenido di e dunamento di yudansa den e desaster aki ta, na e momentonan aki ta keda elabora pa Defensa den consulta cu CDEMA. E yudansa di desaster aki ta keda financia for di e presupuesto cu Minister di Comercio Exterior y Cooperacion pa Desaroyo a pone disponibel.

Zr. Ms. Johan de Witt ta un barco di transporte amfibico. E barco ta un haf, aeropuerto y luga di almasenahe den un. E tin un dek grandi pa vehiculo di material di suministro pa yudansa den un desaster; Personal medico di forsanan di ehercito y un dok interno cu botonan por nabega drenta y sali. Ademas na bordo tin 2 helicopter Cougar, di e Comando di Helicopter di Defensa. Tambe un unidad di Marina cu 2 boto FRISC, y 4 vehiculo di desembarca. Militarnan cu ta superdota cu conocemento, un unidad di forsa di ehercito cu ta specialisa den accion militar civil y dos ekipo specialisa di buceo.

Zr.Ms. Snellius ta un barco di procesion hidrografico. E barco tin aparatonan avansa di sonar, cu cua e fondo di lama por wordo pone riba mapa. Di e forma ey por traha mapanan di lama y tambe por pone zonanan costoso riba mapa.

Horcan Dorian tabatin un efecto destructivo na Bahamas. E horcan di categoria 5 a exigi hopi victima y segun Cruz Cora tin casi 13 mil cas destrui of severamente daña. E prome calculacionnan di ‘World Food Programme’ ta cu 76.000 hende mester di yudansa. Partinan extenso di e islanan ta bou di awa, y e infrastructura a sufri bastante bou di e situacion aki. E pueblo mester di yudansa urgentemente. Cu presencia di mas barco di Marina den Area di Caribe, Hulanda ta bon capaz pa brinda yudansa den e desaster aki.