(NLTimes) – Hulanda lo aloca 1 biyon euro extra e aña aki pa provee sosten militar na Ucrania. E gabinete a anuncia e decision aki riba diabierna durante un combersacion cu President Volodymyr Zelenskyy di Ucrania, Prome Minister Mark Rutte a publica riba rednan social.
Pa fin di december, Hulanda lo a contribui cu 3 biyon euro den sosten militar na Ucrania e aña aki so. Esaki lo ser topa cu otro 3 biyon euro pa sosten militar proximo aña segun e prome minister.
Manera a premira, 400 miyon euro tambe lo ser aloca pa sostene Ucrania su economia y infrastructura. E pais ta bao golpinan y atake fuerte di Rusia den simannan recien. E planta di energia mas grandi alrededor di Kyiv a keda destrui. “Ucrania ta ser golpia diariamente pa agresion Ruso. E siman aki atakenan di escala grandi a tuma luga na plantanan di energia. Ciudadanonan tambe a ser asesina den atakenan contra e ciudad di Kharkiv. Ucrania tin mester di mas pa asina e por proteha su mes,” Rutte a comenta.
Rutte a tene dialogonan tocante esaki cu e lidernan di gobierno di ambos pais riba diaranson. E gobierno nacional Hulandes na Den Haag ta trahando cu nan coleganan den ambos Praga y Copenhagen pa algun tempo caba pa ricibi sosten a Ucrania.
