(NLTimes) – E gobierno nacional di Hulanda kier usa placa pa motiva municipalidadnan provee shelter na mas solicitante di asilo.
Municipalidadnan cu crea localidadnan di recepcion pa duna vivienda na por lo menos 100 solicitante di asilo lo ricibi 2,500 euro pa cada luga disponibel cu provee si nan participa den e programa boluntariamente y mantene e facilidadnan pa por lo menos 5 aña.
E municipalidadnan cu mester ser obliga pa haci esaki no lo ricibi e pago bonus aki pa e espacionan adicional.
E ley, cual a causa un division profundo den Prome Minister Mark Rutte su partido VVD, tambe por obliga ciudadnan y barionan acepta mas solicitante di asilo pa sigura cu tur municipalidad haci nan trabao den resolve e crisis di asilo. E texto final di e ley a ser haci disponibel pa e Secretario di Estado Eric van der Burg, ken tambe ta un miembro di e partido. “E meta di e proposicion aki ta di yega na un situacion di recepcion stabiel y sostenibel, cu un nivel balansa rond di Hulanda,” el a skirbi den e carta na Tweede Kamer.
Miembronan di parlamento pa e fraccion di VVD cu a reuni pa varios ora diamars pa asina resolve e problematica cu tabata menasa e partido su imagen publico y e habilidad di sigui participa den e coalicion di e gobierno. E proposicion posiblemente tin mester di e sosten di henter e fraccion di VVD pa por keda aproba.
Inicialmente, e municipalidadnan lo ser pidi con hopi espacio nan por ofrece boluntariamente, cual lo causa cu e gobierno por crea un plan di 2 aña. Municipalidadnan cual rapidamente aregla un acuerdo cu e gobierno lo ricibi e bonus di 2,500 euro pa cada luga, cual ademas lo ta ademas di e fondonan cu ya caba nan ta ricibi ora di aregla shelter pa e solicitantenan di asilo. E pagonan di e bonus cu e municipalidadnan ricibi por ser inverti y usa di e manera cu nan dicidi, incluyendo riba servicionan pa nan residentenan permanente. Provincianan lo traha cu e municipalidadnan pa determina e localidad apropia.
