(NLTimes) – Gobierno Hulandes tin plan di continua cu e recorte di tiendanan cu ta bende sigaria. Desde aña 2032 en adelante, solamente expertonan den tabaco lo ta permiti bende productonan di tabaco, segun fuentenan cercano na e gabinete a confirma na NOS despues di reportahenan den Telegraaf. E gobierno tambe lo prohibi humamento den areanan unda muchanan ta hunga.
Supermarket ya caba a ser prohibi di bende sigaria desde aña 2024 en adelante. Te cu aña 2030, stacionnan di gasolin y tiendanan chikito por bende productonan di tabaco, sinembargo e gabinete tin plan di elimina esaki den fase den e siguiente 2 añanan despues di esaki.
Gobierno tambe tin intencion di reduci e cantidad di sitionan unda ta permiti pa huma. Tin plan pa prohibi humamento na sitionan of parkenan unda muchanan ta hunga y parkenan deportivo cuminsando for di aña 2025, entre otro medidanan.
Segun NRC, sigaria tabata accesibel den aña 2020 di mesun manera cu na aña 2008. E prijs di un paki di sigaria a aumenta cu algun euro durante e periodo aki, sinembargo e aumento di salario a mantene esaki relativamente igual. Den tur e añanan aki, personanan cu ta huma frecuentemente na Hulanda a gasta 2.5 porciento di nan entrada anual riba sigaria.
