Hulanda ta tuma over e gobierno di isla St. Eustatius, lo disolve parlamento anto pone diputadonan y gezaghebber un banda. Un comisario di Reino lo tuma e mando temporalmente segun decision di secretario di estado Hulandes Raymond Knops.
Secretario Knops a manda ayera e documento/ley caba na Tweede Kamer. Miembronan di Tweede Kamer a haya e oportunidad pa haya un briefing tecnico riba con lo interveni riba e isla di mas o menos 3200 habitante. E comision encarga di cual gobernador anterior di Aruba Fredis Refunjol ta forma parti di dje tabata tin e meta e ultimo lunanan aki pa traha riba e rapport cual a forma base pa e decision aki. E rapport aki a conclui cu tin un ‘negligencia enorme’ di asuntonan importante na St. Eustatius. E modelo di gobierno di e isla, asina yama consulado di e isla, lo wordo disolvi anto otro representantenan di gobierno tambe lo perde nan trabao. Sr. Knops lo biaha pa e isla e siman aki pa splica e decision di e gobierno Hulandes na e populacion local.
Corupcion, discriminacion y abuso di poder
E situacion di gubernamental na St. Eustatius tabata un preocupacion caba pa basta un tempo. Medidanan anterior cu a wordo tuma no a duna efecto pa purba mehora e situacion na e isla. Minister Ronald Plasterk di Asuntonan di Reino e tempo ey a establece un comision pa por maneha e problemanan anto traha recomendacionnan riba kico por wordo haci. E comision a conclui cu e situacion gubernamental actual wordo categorisa manera uno unda tabata tin mal maneho financiero y mal administracion. Ta papia tambe di corupcion y abuso di poder. Tambe tin indicacion di discriminacion, intimidacion, menasanan y insultonan. E rapport ta toca riba intento di persecucion di poder personal riba costo di ciudadanonan. “Ciudadanonan y entrepreneurs ta experiencia desigualdad legal. Ningun administracion hunto cu e isla ta neglisha den un sentido fisico”, segun e comision.
Intervencion ‘temporario’
“Mirando cu otro medidanan no a trece ordo den e consulado di e isla, tin solamente un solo cos cu por wordo haci: intervencion gubernamental. E ta e medida di mas pisa, pero awor cu tur cos a fracasa, esaki ta e unico posibilidad cu ta resta”, sr. Knops ta bisa na e fuente De Volkskrant. “E hendenan di Sint Eustatius merece algo miho.” E no a laga sa con largo e intervencion temporario aki lo tuma luga. Sr. Knops a laga sa na e fuente NU.nl cu e intervencion lo ta ‘tanten cu e ta necesario’. E comite di gobierno lo ta encarga cu tur asuntonan riba e isla tanten cu e consulado di e isla ta apto pa haci esaki apropiadamente atrobe. Anto na momentonan ey lo por tin eleccion pa un consulado nobo, segun ministerio di reino a laga sa. E comision tabata hopi critico tambe riba e rol di gobierno Hulandes den e desaroyo di e situacion na Sint Eustatius. Durante e ultimo añanan, tabata tin hopi retraso den proyectonan pa mehora infrastructura, suministro di awa, vivienda, construccion di pipanan bao di tera, proceso di desperdicio, e beachnan y aeropuerto. E comision ta bisa cu esaki ta un atributo parcialmente di e situacion gubernamental riba e isla, anto e consecuencianan cu e tabata tin entre relacionnan cu Hulanda. E comision a conseha pa inversionnan wordo acelera unda cu ta posibel pa por cuminsa monopolisa e proyectonan aki. E gobierno lo sigui e consehonan aki segun e ministerio.
