(NLTimes) – Hulanda lo firma un acuerdo bilateral di 10 aña cu Ucrania, Minister di Exterior Hanke Bruins Slot a reporta. Francia, Alemania y dinamarca ta entre varios pais cu a firma acuerdonan similar e siman pasa aki.
Segun su persona, e acuerdo di siguridad ta inclui areglonan tocante sosten militar den termino medio y largo, cooperacion den e industria di defensa, mehora Ucrania su resiliencia, incluyendo su respuesta na atakenan cibernetico y mehora e operabilidad entre Ucrania su ehercito y e trupanan di NATO. Hulanda tambe ta permanece comprometi cu Husticia.
Diasabra lo marca 2 aña desde cu Rusia a intensifica su invasion di Ucrania. Hulanda a duna mas di 2.6 biyon euro den ayudo militar na Ucrania durante e tempo aki. Gabinete actual ta anticipa cu lo inverti mas di 2 biyon euro pa yuda e gobierno na Kyiv. “Nos siguridad propio ta cercamente combina cu esun di Ucrania,” Bruins a expresa. “Ucrania mester por depende riba nos sosten, no solamente awo pero den termino largo tambe. Esaki tambe ta manda un señal poderoso na Rusia, cual ta sperando cu e sosten pa Ucrania eventualmente lo caba.”
Ucrania lo stop di existi sin e sosten cu e ta ricibiendo y e menasa di Rusia lo sigui avansa segun e minister. E stabilidad y siguridad di e continente Europeo lo ta bao presion den e caso aki. Esaki ta e motibo dicon e gabinete, segun e minister, a dicidi di firma e acuerdo di siguridad. E acuerdo ta bini for di declaracionnan haci pa e paisnan G7 juli ultimo durante e conferencia di NATO na Vilnuis. E grupo aki a declara cu nan lo haci acuerdonan bilateral di siguridad cu Ucrania. Otro paisnan a declara cu nan lo uni na esaki tambe. Mas di 30 pais a firma e declaracion aki awo.
Ucrania no por uni na NATO si e guera ta andando. E acuerdonan di siguridad bilateral tin e meta di sigura Kyiv y afecta e Rusonan. E acuerdonan ta pa sigura cu Ucrania lo permanece safe hasta si e no ta un miembro di NATO.
