Hulanda kier hunga e rol na Europa rond di e problemanan di Venezuela. Esaki ta segun e rapport haci pa Minister di Asuntonan Exterior Stef Blok, di e reunion di conseho di Asuntonan Exterior di Union Europeo siman pasa.
E ministernan di Asuntonan Exterior di e estadonan miembro di EU a papia brevemente tocante Venezuela, Blok a bisa. A ofrece pa organisa un reunion di Grupo di contacto internacional pa Venezuela. Ademas di e paisnan di Union Europeo , esaki ta inclui e paisnan Latinoamericano, Spaña tambe a establece como organisado di e dicho reunion.
Segun Blok, ken sea cu organisa e reunion e paisnan mester reuni cu urgencia. Alto representante di EU pa Asuntonan Exterior y polisa di siguridad, e Spaño Josep Borrell a indica na e conseho di Asuntonan d i Exterior cu e proceso di Oslo ta den un punto morto.
E negociacionnan enter e regimen di presidente Nicolas Maduro y e oposicion no ta avansa. Pero un solucion politico ta sigui ta e obhetivo di EU. Borrell a propuesta di manda Enrique Iglesias, un asesor special pa Venezuela, pa paisnan amigonan di Venezuela.
El a menciona specificamente , Rusia, Cuba y China. Iglesias mester alenta e paisnan aki pa hunga un rol constructivo den e problemanan cu ta rondona Venezuela. Segun Blok, Hulanda a yama bonbini na e idea ey. Hulanda a bolbe argumenta na fabor di aumenta e presion riba Mduro.
Esaki mester ser haci traves di sancionanan nobo, dirigi na miembronan individualnan di e regimen di Maduro. E proposito di esaki ta pa trece nan bek na mesa di negociacion.
