(NLTimes) – Minister Carola Schouten di Agricultura kier prohibi herbe lobster y cangreu bibo. Mester bira e practica standard den restaurantnan Hulandes cu ta mata e animalnan aki prome cu ta cushina nan, el a priminti durante un debate parlamentario riba presupuesto di Agricultura, NOS a reporta.
Den contesta na un yamado di PvdD pa un prohibicion, Schouten a bisa cu ta evaluando esaki den un contexto Europeo, y cu e ta kere cu e ta algo excelente. E tambe ta bay evalua kico por haci na Hulanda pa sigura cu no ta cushina e animalnan bibo. Te cu tin un prohibicion, Schouten kier pa chef y restaurantnan tuma e stapnan boluntariamente. Cantidad di restaurant no ta cushina cangreu of lobster bibo mas, el a bisa. Y metodonan alternativo di cushina tambe ta siendo evalua den training di chef.
“Mi kier mira tambe con mi por haci mas apropia, den un forma cu nos no cushina ningun animal bibo mas si tambe tin manera pa mata nan mas lihe y cu menos dolor”, el a bisa.
Esaki despues di un estudio recien comisiona pa gobierno Britanico cu a haya evidencia cientifico fuerte cu crab, lobster y octopus por sufri y experimenta dolor. Reino Uni, pa e motibo aki, a agrega nan den legislacion di proteccion animal. Organisacionnan di bienestar di animal kier pa Hulanda haci mescos.
