(NLTimes)—E centro di cuido hubenil The Woodbrookers na Kortehemmen, Friesland, ta uza violencia pa controla e muchanan bao nan cuido, segun AD ta reporta a base di un reportahe di e Inspectorado cu no a ser publica ainda. Na october aña pasa, Jeugdhulp Friesland, cual ta cubri Woodbrookers, a lanta caso di abuso sexual y actividadnan criminal contra su mesun empleadonan, segun e corant. Ministerio Publico Hulandes a rechasa e caso, supuestamente pa “motibonan tecnico.”
E Inspectorado di Salud y Cuido Hubenil a investiga Woodbrookers despues di un incidente envolviendo dos hoben. El a entrega su rapport na september aña pasa, pero esaki nunca a ser publica, segun AD. E rapport a papia tocante di varios incidente envolviendo e dos mucha, incluyendo “comportamento di agresion y cu ta causa daño na nan mes.”
Segun e rapport, empleadonan na Woodbrookers ta administra “stimulanan di dolor” pa controla e muchanan. E Inspectorado no a bisa kico esaki ta encera, pero el a describi si ora esaki tuma luga, AD a skirbi. Hobennan cu bira agresivo ta ser gara y pusha bay vloer, y despues ta ser hiba na nan camber of un camber di “time-out”, y eynan e empleadonan ta administra e stimula di dolor. Despues ta cera e hobennan den isolacion. Segun AD, e institucion a uza e metodo aki dede 2009.
Tambe e Inspectorado a reporta cu Woodbrookers no a reporta incidentenan serio. Despues di un incidente di mal conducta sexual, por ehempel, Woodbrookers a transferi e perpretrador pero no a haci ningun reportahe internal, ni a reporta e incidente aki na e Inspectorado, y no a investiga con e abuso a sosode.
