(NLTimes)—E Inspectie Gezondheidzorg en Jeugd (IGJ) ta preocupa tocante e calidad di e screening nacional pa cancer di pecho. Hende muhe cu ta participa ta en general satisfecho, e inspectorado a descubri. Pero empleadonan di screening ta bao presion debi na un peso di trabao halto, y esey por causa problema. E screening tampoco ta alcansa hende muhe di color of di un salario mas abao, e inspectorado a bisa ayera.
E inspectorado a papia cu e empleadonan den e organisacion nacional cu ta conduci e screening di poblacion pa cancer di pecho, a bishita 10 centro di screening, a observa 65 examinacion, y a papia cu 37 participante. Hende muhe, homber transgenero y hende no-binario cu pecho entre edad di 50 y 75 ta ser invita pa un screening cada dos aña. Mas cu un miyon invitacion ta ser suministra tur aña.
E inspectorado a descubri cu e calidad di e screeening actualmente ta suficiente. Mayoria hende muhe y otro participante ta satisfecho y ta sali sintiendo bon informa y cu a tuma bon cuido di nan. “Pero empleadonan ta bao presion, cual por reduci calidad,” e inspectorado a bisa.
E personal pa screening ta enfrentando peso di trabao halto. Rekisitonan estricto pa e imagennan di screening ta pone nan bao presion enorme pa traha. Pa tin e imagennan perfecto tambe ta laga nan cu menos tempo pa papia cu e pashentnan envolvi, provee splicacion y calma nan.
E cultura di trabao no ta permiti e empleadonan sinti comfortable siñando for di otro y reflehando riba kico nan por mehora, e inspectorado a bisa. No tin un sistema nacional cu ta uniform pa registra y siña for di incidentenan. Empleadonan di screening tambe ta referi hende muhe cu abnormalidad na un hospital pa mas test, pero mayoria hospital no ta duna feedback. Como resultado, e empleadonan di screening no sa si nan a referi un persona corectamente if si tabata un alarma falso, y nan no por siña di dje.
“E directiva di e organisacion tin suficiente conocemento den riesgonany no ta enfoca suficientemente riba mehoracion,” e inspectorado a bisa. Tambe e mester alcansa hende muhe di color of cu salario mas abao cu actualmente no ta ser representa suficientemente den e screeningnan.
E inspectorado a duna e organisacion Hulandes pa Screening di Poblacion tres luna pa entrega un plan di mehoracion.
