(NLTimes) – Un 72 porciento masivo di studiantenan den nan di dos aña di educacion secundario (VMBO) y 20 porciento di educacion pre-universitario (HAVO-VWO) no tin e habilidadnan rekeri den matematica, Education Inspectorate a reporta despues di haci encuesta cu e studiantenan aki den aña 2021 pa 2022. E Inspectorado ta preocupa cu e falta di habilidadnan matematico lo pone den peliger e prospecto den futuro di e hobennan aki.
Pa fin di e di dos aña di educacion secundario, studiantenan di VMBO mester yega e nivel 1F, e standard minimo cu cual mester cumpli na final di educacion primario enfoca riba habilidadnan basico manera lesa un instrument pa midi y converti tamañonan. Mayoria studiante den di dos aña di VMBO no ta na e nivel aki. Studiantenan di HAVO y VWO ta rekeri yega nivel 2f, habilidadnan den maneha tempo y placa, orientacion general y habilidadnan di midi. Segun e Inspectorado, e habilidadnan aki ta crucial pa funcionnan social independiente cu ta crucial. Un di 5 parti di studiantenan di HAVO y VWO no ta cumpli cu e rekisito aki.
Pa fin di e educacion secundario, studiantenan di VMBO mester tin por lo menos nivel 2F y studiantenan di HAVO y VWO mester tin nivel 3F, necesario pa exito den educacion mas halto. Mirando cu asina hopi studiante no ta cumpli cu e rekisito minimo den comienso di nan educacion secundario, e Inspectorado tin preocupacion cu e chens cu nan lo cumpli cu e rekisito na final. “Studiantenan cu no ta domina e nivelnan aki ta limita den nan futuro,” E Inspectorado a declara. “Na final di dia, bo ta enkontra cifranan den ambos bo bida personal y den bo educacion of trabao. Por ehempel, den forma di cantidad na e tienda of riba bo recibo di coriente. Pero tambe como cantidad den recetanan. Of den sumanan cu cual bo ta resolve un problema.”
A causa di escasez den docente, e materia di matematica hopi biaha ta ser duna pa docentenan cu no ta cualifica, specialmente den VMBO, segun e Inspectorado. Apesar di esaki, mayoria studiante den educacion secundario ta bisa cu nan docente di matematica ta splica cos bon y den diferente maneranan te ora cu nan compronde esaki. E ta pensa cu e causa pa e atraso por ta parcialmente a causa di un mal conexion entre educacion primario y secundario. Por ehempel, e docente den scol secundario por usa nombernan diferente pa e mesun conceptonan. E habilidadnan matematico cu muchanan ta adkiri den educacion primario no ta manteni suficientemente den educacion secundario.
E Inspectorado ta urgi educacion secundario pa presta mas atencion y tempo na siña e habilidadnan matematico basico ademas di trece elementonan matematico den otro materianan. Lesnan di matematica tambe mester di “mas profesionalisacion,” segun e Inspectorado, urgiendo scolnan pa mehora nan calidad.
