(NLTimes)—Casi un tercer di residente Hulandes a usa remedi herbario den e ultimo aña. 81% di nan a uza e alternativanan natural aki den combinacion cu medicina, usualmente sin sa e riesgo di esaki, segun un estudio pa Kantar den nomber di e College ter Beoordeling van Geneesmiddelen (CBG).
“Remedinan herbario por cambia e manera cu e medicina ta traha. Un medicina por traha e ora menos bon of mas fuerte. Of un persona por experencia mas efecto. tin biaha, un combinacion por tin consecuencianan serio,” MEB a bisa.
Mita di e hende den e estudio tabatin tiki of ningun conocemento tocante e posibel efecto di e remedinan herbario cu nan a uza. 86% ta pensa eroneamente cu e combinacion di yerba y medicina tin un riesgo chikito so. Y 72% ta pensa cu nan no a bisa nan dokter tocante e remedi herbario cu nan ta usa.
Remedinan herbario manera valeriana, ajo, curcuma, cannabos y green tea ta conoci pa interactua cu medicamento, MEB a bisa. “Esaki ta relaciona na diferente medicina: for di antiacido- y anticonceptivonan pa medicinanan cardiovascular.”
MEB a colabora cu e Nederlandse Voedsel- en Warenautoriteit (NVWA) pa lansa e campaña “Sa kico bo ta tumando”, diseña pa informa residentenan Hulandes tocante e efecto y consecuencianan imboluntario cu 11 remedi herbario por tin. Te cu fin di luna, residentenan por haya e informacion aki den tiendanan di medicamento, den cambernan di espera di dokternan y online.
