(NLTimes)—Hobennan entre 19 y 27 aña di edad por ser vacuna gratis contra e papillomavirus humano (HPV) te cu dia 1 di juni 2024. E campaña di gobierno aki mester a conclui originalmente fin di e aña aki, pero a ser extendi cu cinco luna, segun Secretaria di Estado Demisionario pa Salud Publico, Maarten van Ooijen, ken a confirma e noticia aki despues cu esaki a ser reporta pa RTL Nieuws.
E Gabinete kier encurasha hobennan pa haya un vacuna contra HPV, pasobra e virus aki por causa diferente forma di cancer. E vacuna ta reduci e riesgo pa seis tipo di cancer, particularmente den boca y garganta, igual como den e penis, anos, vagina, labia y baarmoederhals.
Van Ooijen kier yuda hobennan cu ricibi un prome vacuna gratis, pero lo mester paga pa e segunda vacuna. E interes den e vacunacion gratis ta “rasonabel,” segun un vocero a bisa e siman aki. “Pasobra na dado momento bo mester paga p’e.”
Asina mes, van Ooijen no ta satisfecho cu solamente 20% di hobennan a nenga pa tuma vacuna. El a yama pa hobennan haci uzo di e oportunidad aki. E minister tambe a bisa cu e ta spera di por acomoda hobennan cu “pa bon motibonan” no por haya e dos vacunacion necesario, manera embaraso of pasobra hende ta biaha of nabega hopi pa nan trabao.
E costo di un vacuna ta normalmente 200 euro. Mester tin al menos cinco luna entre e prome y segunda vacunacion. Van Ooijen a informa Tweede Kamer tocante su decision den un carta y a puntra e instituto di salud publico RIVM y servicionan di salud GGD pa elabora mas riba esaki. Mas cu 1.3 miyon hobennan ta eligibel pa vacunacion gratis.
