Hackernan a bay cu posiblemente miles di scan di carchi di identidad despues di hack un sistema di computer di un agencia di huur viviendanan na NederWoon.
E informacionnan horta pa hacker a ser upload riba e site entre 2017 y 2019 pa personanan cu ta buscando cas. E hackernan tin nan nombernan, adres, informacionnan di contacto y copianan di nan paspoort of carchi di identificacion, cu ta inclui nan number di identificacion personal of BSN. Esaki ta suficiente pa permiti cu e hackernan saca prestamonan uzando identidad di otro hende. E compania a informa e clientenan tocante di e hackmento cu a sosode diahuebs ultimo, y tambe a adverti nan pa ta alerta pa e-mailnan phishing.
E compania ta bisa cu ainda nan no sa cuanto persona a ser afecta. Nederwoon tin ocho sucursal na Hulanda incluyendo Amsterdam y Utrecht. E ta organisa contractonan di huur pa un 25,000 propiedad, e website Tweakers a bisa. Esaki ta sosegando biaha cu nan a hack e sistema di un agencia di vivienda pa e aña aki. Na luna maart ultimo e ladronnan a horta informacion di 49,000 persona registra na e agencia di Altijd Wonen.
