Hulanda falta 390,000 vivienda y no ta probabel cu por cumpli cu su meta pa aña 2030

(NLTimes) – Tin un falta di 390,000 vivienda na Hulanda. Esaki ta mas o menos 5 porciento di e cantidad total di vivienda, segun Atlas For Municipalities 2022.

E averahe di candidato pa cada 100 cas disponibel na Hulanda ta 5 porciento.

Di e muncipalidadnan mas grandi, e escasez ta mas halto na Amstelveen y Amsterdam. E municipalidadnan aki tin mas o menos 150 candidato pa cada 100 cas disponibel. E escasez di vivienda tambe ta halto na Hilversum, Utecht y Amersfoort, cu 140 candidato pa cada 100 cas disponibel.

Segun Atlas Research, e agencia cu a conduci e estudio aki, e escasez di vivienda na Hulanda ta significantemente mas halto di loke ta aparenta den figuranan di Ministerio di Vivienda y Relacionnan di Reino. Ministerio a calcula cu e escasez ta na 279,000 vivienda. E diferencia ta den e metodo di midi. Atlas ta inclui e persoannan cu tin deseo di adkiri un vivienda pa medio di encuestanan, y tambe ta conta personanan cu menos di 25 aña cu te ainda ta biba cu nan mayornan pero te ainda ta buscando un vivienda.

E ministerio su figuranan ta determina pa medio di kita e cantidad di vivienda disponibel (99,000) for di e 378,000 cu ta buscando of den proceso di cuminsa busca un vivienda.

E presion mas baho den e sector di vivienda ta na e rand di Hulanda, pues Zeeland, Friesland, Groningen, De Achterhoek y Zuid-Limburg. Den e areanan aki, tin menos di 100 persona interesa pa cada 100 cas. “E hecho ta cu no tin un vacatura grandi den e regionnan aki pa motibo cu personanan di e region aki ta ahusta nan rekisitonan y ta busca un vivienda den e regionnan ‘menos popular,’” un investigador di Atlas Research a bisa.

Tambe tin regionnan unda cu tin un menasa di dimas vivienda. Almere, Lelystad y Helmond tin den plan e construccion di mas cas, agregando mas o menos 10 porciento na e municipalidad su cantidad di viviendanan. Sinembargo, esaki ta mas di loke ta actualmente necesario. “Sin inversion den e bienestar y accesibilidad di e municipalidadnan aki, e construccion por causa cu hopi mas cas lo keda vacante,” Atlas a skirbi.

E Ministerio di Asuntonan Interno kier reduci e escasez di vivienda cu 2 porciento pa medio di aumenta e construccion di vivienda actual di 70,000 cas pa 100,000 cas. “Hasta na e nivel acelera y aumenta aki di construccion, e meta no lo ser cumpli pa aña 2030,” Atlas a declara.