(NLTimes)—Despues di un entrevista cu e NRC, ex-minister di salud Ernst Kuipers a critica e directornan di e centronan di cardiologia infantil, ken por a cambia su decision pa centralisa e cuido specialista aki. Segun e, nan ta interesa solamente den nan mesun placa y status y no den e pashentnan. Nan mester “tin berguensa di nan mes,” el a conta e corant.
Kuipers a dicidi pa limita e cinco hospitalnan universitario cu actualmente ta ofrece operacion di curason pedriatico na Rotterdam y Groningen. Esaki lo proteha e experticio. Sinembargo, e centronan na Utrecht y Amsterdam/Leiden lo perde e cuido specialisa aki y p’esey a trece un caso den corte. E hues a anula e decision aki como cu e no tabatin suficiente base.
“Esey ta haci mi hari. Den cuido medico, e ta hopi simpel: mas bo duna un tratamento, mas miho e dokter- y nursenan ta bira. Y despues bo por conduci un operacion di curason pedriatico, cual ta hopi compleho, den cinco luga den e pais, den cantidadnan chikito?” Kuipers a bisa, ken ainda ta kere cu mester di un concentracion.
El a subraya cu e sector di cuido medico ta experenciando dificultadnan cu e problema aki pa 30 aña. “Prome hendenan tabata contento cu tabatin un minister cu a tribi di tuma un decision, pa despues nan bay corte toch. Y ken tin cu wanta e dolor awo? Ami no, un minister ta un observador. Pero e pashent mester want’e. Tur e directornan di e centronan aki mester tin berguensa di nan mes. Nan sa masha bon cu nan apelacion ta tocante nan mesun placa y no tocante e interes di e pashentnan.”
E sucesor di Kuipers, Pia Dijkstra, tambe no ta di acuerdo cu e hues pero a dicidi pa no entrega un apelacion. E ta kere cu tur partido envolvi mester regresa na mesa pa yega na un forma di concentracion.
E ex-minister tambe ta mira back na su retiro inespera. Esaki tabata necesario pa aplica pa ofertanan den exterior. E no kier a comenta riba esaki e tempo ey pasobra e proceso ainda tabata andante. Sinembargo, ta claro cu Kuipers lo traha na un universidad na Singapore.
