Recientemente e Ministerio Hulandes di Asuntonan Exterior a keda estafá pa casi 900.000 euro na Tanzania.
Reciente e ministerio a para e proyecto pendiente investigacion. Den e investigacion a resulta cu un suma di 859.068 a disparce. Minister Kaap ta informa cu tanto e organisacion semi gubernamental na Tanzania como ehecucion di partidonan Ngo ta envolvi den e fraude aki. Ta asina cu na juli 2017 e ministerio a haya melding di posibel fraude den e programa na Tanzania, segun minister Kaag di cooperacion cu desaroyo den un carta pa Tweede Kamer.
Ta trata di un proyecto di infrastructura den e pais Africano cu Hulanda a sponsor, pero na momento cu e ministerio a bay tira bista no tabatin ningun proyecto den construccion.
E proyecto lo keda finalisa maske no ta bon cla ta kico. E ehecucion a priminti di construi of paga bek. Autoridad anti corupcion di Tanzania a start un investigacion hudicial riba e caso. Kaag a skirbi cu den ultimo 5 aña promedio di 0,15% di ayudo di desaroyo for di presupuesto di ministerio ta keda malversa.
