Hulanda den lockdown a cera scol, cafetaria y clubnan deportivo

Tur scol y crèche na Hulanda lo permanece cera entrante awe te cu dia 6 di april den un esfuerso pa preveni e plamamento di coronavirus, esaki e ministernan a dicidi diadomingo despues di un reunion di crisis cu expertonan di salud y funcionarionan di educacion. Ademas di e cafenan, restaurantnan, clubnan di sex, sauna y clubnan deportivo a cera nan portanan diadomingo 6pm pa tres siman, esaki minister di salud Bruno Bruins a bisa den un conferencia di prensa.

E medida ta un cambio radical den e posicion di diabierna, ora cu gobierno a bisa cu e scolnan y crèchenan mester permanece habri pa asina e trahadonan esencial por sigui haci nan trabou. Solucionnan lo wordo haya pa polis, transporte publico y otro trahadonan esencial, e minister di educacion Arie Slob a bisa. Bruins a bisa cu e paso aki pa cera cafes y barnan a wordo impulsa den parti pa turismo “ indeseable” di Belgica cu ta frontera di Noord-Brabant, e region di Hulanda cu gran concentracion di casonan di coronavirus.

Ora cu a puntra si e biahenan aereo ta restringi e siguiente pais manera, Dinamarca y Spaña, Bruins a bisa:” Mi ta sigur cu esaki no ta e ultimo medidanan cu nos lo tuma”. Tambe el a bisa cu nan ta realisando investigacionnan na Brabant tocante e riesgonan di hobennan, cu tin menos probabilidadnan pa bira malo cu e virus y ta transmiti esaki na otronan.

E number di mortonan causa pa coronavirus na Hulanda a aumenta diadomingo cu 20 persona, esaki e instituto di salud publico RIVM den su ultimo actualisacion. E ocho persona ta envolvi personanan di edad enter 59 pa 94 aña y e mayoria tin problemanan di salud y tabata den hospital RIVM a bisa. En total 162persona a ser interna na hospital, aunke a desconoce e number halto.

E number di pruebanan positivo a aumenta di 176 pa 1135. Sinembargo esaki ta bisa poco di e tasa di infeccion di Hulanda pa motibo cu desde di 12 di maart e pruebanan ta restringi pa personanan cu kehonan grave y no leve. Sjaak de Gouw, hefe di hunta di salud Hollands Midden a bisa emisora NOS cu nan ta spera cu e number total di infeccionnan na Hulanda pa ta rond di 6000 dunado e virus luga pa plama.