Gobierno Hulandes ta contratando personal medico adicional pa Corsou, Aruba y St. Maarten pa stop transmision di coronavirus. Den e ultimo dos pais, e cantidad di infeccion a aumenta rapidamente den dianan recien.
Den e carta cu minister Hugo Jonge (VWS) a manda parlamento Hulandes, e ta reporta cu ya a manda 8 enfermera adicional y un dokter di control di malesa na St. Maarten e siman aki. Esakinan a wordo contrata a traves di un agencia di empleo medico internacional, pasobra Hulanda mes tin escacez di personal di salud. Un coordinador di crisis, sinembargo, a bula St. Maarten for di Hulanda pa coordina e investigacion di fuente y contacto. Riba e isla, e cantidad di caso a duplica desde dia 16 di juli, for di 79 na 160.
Den su carta, e minister tambe ta referi na e ‘aumento significante’ den cantidad di infeccion na Aruba, cual a aumenta cu casi 100 den ultimo dianan. Mientras Hulanda a duna un conseho negativo di biahe pa St. Maarten diadomingo ultimo, esaki no ta e caso ainda pa Aruba. Pero e minsiter a skirbi: “Nos ta den contacto semanal pa considera e consecuencianan pa trafico aereo.”
Cualkier persona cu biaha Hulanda for di St. Maarten (y otro areanan di riesgo) ta ricibi instruccion di bay den cuarentena pa 14 dia. For di fin di otro siman lo tin un caya di test na Schiphol, unda biaheronan di un area di riesgo por haci test sin importa si nan tin sintoma.
De Jonge a anuncia cu lo cera acuerdonan nobo cu un agencia di empleo medico Mericano pa mantene capacidad di personal di ICU den e paisnan Caribense pa herfst 2020 y spring 2021. E data mas recien di e parti Caribense di Reino ta mustra e siguiente contaminacion durante e ultimo periodo: Aruba (171), Sint Maarten (160), Curaçao (31), Sint Eustatius (3), Saba (5) y Bonaire (5).
