(NLTimes)—Stress financiero entre mayornan ta resultando den un cantidad record di reportahenan di descuido emocional di mucha, segun e organisacion pa proteccion di mucha Veilig Thuis, manera NOS a reporta diahuebs. Esaki por ta conecta na factornan manera inflacion, costo di coriente halto y un mercado di vivienda hopi preta.
E organisacion pa proteccion di mucha ta maneha reportahenan di abuso di mucha. Durante e ultimo cinco añanan, reportahenan di descuido emocional di mucha a aumenta pa mita. Casonan di descuido fisico tambe a alcansa un cantidad records, cu 3,000 reportahe.
“Esaki por nifica cu tin mas inkietud den famianan y cu mas argumento ta tuma luga dilanti e muchanan,” manera e presidente di Veilig Thuis, Judith Kuypers, a conta durante e NOS Radio 1 Journaal. “Debi na e stress aki, mayornan ta experencia dificultad pa mira kico ta importante pa nan yiunan. Nan no ta proveendo suficiente amor y atencion.”
Kuypers a splica cu e aumentonan aki ta parcialmente pasobra tin mas conscientisacion di abuso di mucha. “Nos sa cu nos ta mirando solamente un pida chikito di e totalidad pasobra entidadnan manera scol ta hay’e dificil pa reporta problemanan asina.” El a añadi cu e organisacion awo ta colaborando cu scolnan pa facilita reportahenan.”
