(NLTimes) – Poverty Fund awo tin mas di 1,000 punto di distribucion pa productonan pa menstruacion gratis plama rond di henter e pais. Esaki ta un aumento di 58 biaha compara cu e 200 puntonan cu tabatin den september aña pasa, NU.nl a reporta.
Poverty Fund a ricibi yamada diario y e-mail pidiendo mas puntonan pa ricibi di e productonan aki. Personanan ta hayando e iniciativa aki cada biaha mas facil y kier duna donacion tambe. Mas persona ta enfrentando dificultad financiero pa causa di e inflacion, “nos ta mira e demanda crece pa causa di e inflacion y e peso di energia aumenta. Esaki tambe ta nifica cu e famianan di ingreso medio ta den problema,” un vocero di Poverty Fund a splica e corant.
E fondo tin puntonan di distribucion pa paketenan cu ta contene varios diferente articulo di diferente size, forma y marca. Personanan tambe por haci peticionnan specifico.
E puntonan di distribucion ta localisa den librerianan, centronan pa comunidad y scolnan. Tambe nan por haya e productonan menstrual aki na banconan di cuminda y cashinan dilanti cierto personanan su cas.
Bo no mester comproba cu bo no por cubri e gasto di e productonan aki, e vocero a bisa NU.nl. “Nos kier mantene esaki lo mas accesible cu ta posbel.” Productonan pa menstruacion ta un necesidad basico, nan a enfatisa. “Tur hende mester por sigui haci nan trabao durante nan periodo di menstruacion. Nos no kier mira ningun hende mester keda cas y usa papel of loke nan haya.”
