(NLTimes) – Un arma di candela a ser haya den studiante di 15 aña su locker na scol secundario den Capelle aan de IJssel diahuebs mainta. E mucha homber a keda deteni, y e arma di candela confisca segun loke polis a reporta.
Polis awo lo investiga di unda e arma a bini y con e mucha a obtene esaki. E arma a ser haya durante un buskeda aleatorio di e lockernan. Algo cu ta ser haci di acuerdo cu e Safe School Covenant cu a conclui entre e scolnan, e municipalidad y polis cu e meta di garantisa e seguridad y empleadonan den y alrededor di e scolnan.
Oficialnan tin tempo ta haci buskeda aleatorio y sin avisa na lockernan di scol pa añanan caba. “Esaki hopi biaha ta tuma luga den colaboracion entre e scolnan y oficialnan di polis local,” polis a conta RTL Nieuws un tempo atras. Hopi biaha, e lockernan ta ser revisa a causa di un situacion sospechoso.
E no a keda anuncia na cua scol di Capelle aan den IJssel eesaki a sosode. Scolnan tambe a dicidi di haci un buskeda den locker sin e ayudo di polis.
