(NLTimes) – Minister Dennis Wiersma pa Educacion Primario y Secundario hopi biaha a rabia cu ambtenaarnan den su prome aña di servicio den su ministerio, gritando, dal porta cera y poniendo empleadonan bao presion extremo segun e oficialnan a conta De Telegraaf.
Via su vocero, Wiersma a admiti cu e tin “hopi demanda, e ta demasiado estricto y tabata laga hende ta yora y hopi biaha tabata rabia cu e ambtenaarnan nobo y hoben en particular. Nan a pidi pa permanece anonimo pa causa di miedo cu nan lo haya consecuencia den nan carera y otronan a kita for di trabao.
E cantidad di reportahe di comportamento transgresivo na e Ministerio di Educacion, Cultura y Ciencia tambe a aumenta significantemente aña pasa. Den aña 2022 tabatin 112 reportahe di discriminacion, bullying, acoso sexual y otro comportamento inapropia. Durante e pandemia den aña 2020 y 2021 unda a traha for di cas tabatin logicamente menos reportahe. Sinembargo aña pasa su nivelnan tabata hopi mas halto compara cu prome cu e pandemia.
E Ministerio su liderazgo fuerte a caba ora cu noticieronan a reporta cu Matthijs van Nieuwkerk a crea un cultura di miedo riba De Wereld Draait Door. “Ora cu noticia a cuminsa plama, nos Ministerio tambe mester a responde,” un ambtenaar a conta De Telegraaf. Secretario di Estado Gunay Uslu ta responsabel pa media den e Ministerio. “E lo a keda malo si nan condena e comportamento aki mientras tambe e tabata tumando luga den e ministerio.”
No a otorga kehonan formal contra Wiersma, sinembargo tabatin varios “señal” cu e oficialnan no tabata contento. “E Minister tabata altanto di e señalnan cu e presion tabata dentro di e organisacion,” Wiersma su vocero a declara. “Den e prome periodo di su ministerio, e tabata estricto y hopi biaha fuerte cu e ambtenaarnan basa riba ambicion y pasion. El a reconoce na mesun tempo cu esaki no tabata bon.”
Segun e vocero, Wiersma a realisa cu “e ta pidi demasiado di e personanan rond di dje y cu su palabranan como Minister ta impacta e empleadonan mas fuerte cu e palabranan di otro persona.” El a tuma accion bao su mesun iniciativa, e vocero a splica. Tambe tabatin discusion entre e Minister, manager y empleadonan. “Nos ta sigui cu e combersacionnan aki sinembargo awo nos ta den un miho posicion hunto.”
