(NLTimes)—Albert Heijn lo bende self-test pa e malesanan sexual gonorea y clamidia. E cadena di supermercado y e fabricante Homed-IQ a bisa cu nan kier haci e testnan mas acesibel.
Soa Aids Nederland ta mira e benta di self-test un bon prome stap. “Ta bon pa ofrece testnan cu ta birando mas accesibel, pero despues henter e pakete tambe mester ser ofreci. Esaki ta nifica cu bo lo ricibi aviso di antemano tocante cual test pa uza y con pa haci esaki y cu e proveedo lo tambe laga sa kico pa haci despues di haya resultado.”
E testnan den benta tambe por haci testnan di Soa mas normalisa. “Esaki ta haci’e mas facil pa hende cumpra testnan asina. E ta yuda cu bo por scan nan na e caha di self-scan. Y ora hende mira e testnan mientras nan ta haci compras, ta bira mas normal pa haci test. Esey lo ta un consecuencia positivo,” segun Soa Aids Nederland.
