(NLTimes)—Lo test transportacion aereo di sanger, remedi y muestranan di laboratorio uzando drones na Hulanda como parti di un colaboracion entre sistema di control di trafico aereo Hulandes, asociacion di biahe ANWB y proveedor di telecomunicacion KPN.
Den pasado a conduci test di e scala aki caba pa busca manera mas eficiente pa uza e shelo como trafico embes di e caretera druk riba tera, pero awo lo conduci un investigacion special pa determina con e proceso di uza drones como modo di transportacion por wordo completa.
E prome test lo tuma luga e aña aki entre e Hospitalnan Isala na Zwolle y Meppel. Lo uza drones cu diameter di 240 centimeter, cual por yega halturanan mas halto cu drones comun uza pa recreacion.
E drones mester por selecta e ruta mas cortico y lihe. E intencion ta pa nan bula uzando corredor digital, unda lo tin espacio separa asigna pa e drones cu e adicion di aviacion regular.
Biahenan di drones medico tambe lo por comunica cu un sistema di maneho di trafico (UTM system) durante nan vuelo, cual ta nifica cu e vuelo por wordo conduci mas sigur, entre otro.
E prome vuelonan entre e hospitalnan Isala ta plania pa e prome mita di e aña aki. Mas despues den e aña lo conduci mas vuelo na otro luga, incluyendo den e region di Rotterdam.
“Nos lo gana mas experiencia den trafico aereo mas druk pa via di e proximidad entre aeropuertonan di Rotterdam y Den Haag. Pa test vuelo di drone den dos diferente tipo di trafico aereo mester tin experiencia pa tur sorto di circunstancia posibel,” e iniciadonan a bisa.
