(nltimes.nl) – E cantidad di doñonan di negoshi na Hulanda a aumenta enormemente den e ultimo añanan. CBS di Hulanda a reporta cu tabatin casi 2.5 miyon entrepreneur den e pais na 2023, cu ta un miyon mas hopi cu loke tabatin den 2010.
Di tur e entrepreneurs, 36% ta hende muhe. Esey tabata caso pa solamente 32% di e entrepreneurs den 2010. Tabatin alrededor di 251 entrepreneurs nobo, cu a cuminsa un negoshi pa prome biaha, den 2023. E edad promedio di e doñonan di negoshi ta mas o menos mescos cu antes, alrededor di 46 aña. For di 2010, e porcentahe di doñonan di negoshi cu tin 65 aña of mas a subi for di 6% pa 10%.
Ademas, e porcentahe di entrepreneurs bou di 30 aña tambe a subi for di 9% pa 15%. E cantidad di hoben entrepreneur nobo ta keda subi cada aña. E sector cu tin e porcentahe mas halto di hoben nobo entrepreneur tabata produccion di pelicula y television y grabacion di zonido (68%). Hopi entrepreneur hoben nobo tambe a cuminsa un tayer.
E cantidad di entrepreneurs cu un background no Hulandes tambe ta keda subi. E porcentahe di doñonan di negoshi cu a nace afo di Hulanda a subi for di 10 pa 16%, y e porcentahe di doñonan di negoshi di un di dos generacion a subi for di 7 pa 12%. Den 2023, un di tres doño di negoshi cu a nace afo di pais tabata for di Union Europeo. E grupo mas grandi tabata for di Polonia (35 mil), Bulgaria (19 mil) y Alemania (14 mil).
Turkia tabata e pais di nacemento mas importante pa entrepreneurs di start-ups pafo di e Union Europeo den aña 2010 y 2023. E entrepreneurs aki ta principalmente activo den construccion. Hopi buscado di refugio for di Siria, Ucrania, Afganistan, Iran y Irak tambe a cuminsa nan propio compania.
