(NLTimes) – Hulanda a yuda financia un organisacion di derechonan humano y ta ser investiga pa corupcion den Parlamento Europeo. Aña pasa, e gobierno Hulandes a paga 500,000 euro na e fundacion sospecha yama No Peace Without Justice, e Ministerio di Asuntonan den Exterior a confirma na NRC.
No Peace Without Justice ta un di e dos NGO involucra den e scandal di corupcion na Brussels. Varios miembronan di e parlamento Europeo ta sospecha di acepta soborno for di Qatar, cual a purba influencia e parlamento su decisionnan politico y economico. No Peace Without Justice su director Niccolò Figà-Talamanca recientemente a keda laga den libertad despues di 3 luna den custodia. Siman pasa, e cuerpo policial a conduci un buskeda den e NGO su base di operacion na Roma.
E Ministerio a confirma na NRC cu Hulanda a contribui cu 500,000 euro na No PEace Without Justice aña pasa. E Ministerio a bisa cu no pro a comenta riba e proyecto pa motibo cu esaki “por pone hendenan na Afghanistan den un situacion vulnerabel.”
Actualmente tampoco tin reservacionnan pa cu e subsidio na e organisacion sospecha. Segun e ministerio, No Peace Without justice a “cumpli cu e acuerdo.” Ministerio desde e tempo aki a para e sosten pa motibo cu e organisacion ta involucra den e scandal.
