(NLTimes)—E ronda mas recien di vacunacion pa Covid-19 pa hendenan cu riesgo halto y trahadonan di cuido medico cu contacto directo cu pashent a cuminsa ayera. E servicio di salud municipal GGD a cuminsa administra e vacuna uzando e vacuna mas actualmente disponibel—e vacuna XXB. Segun e instituto di salud Hulandes, RIVM, esaki “ta provee e miho proteccion contra e variantenan actual di coronavirus.”
E ronda di vacunacion aki ta pa hende riba edad di 60 aña, personanan entre 18 y 59 aña cu ta haya invitacion anual pa haya vacuna di griep, hende muhe na estado, trahadonan den cuido medico y cualkier hende cu kier wordo vacuna, por ehempel, pa proteha un miembro familiar vulnerabel of pasobra nan dokter a conseha nan pa haci esaki.
“E coronavirus ainda t’ey y por rebiba atrobe. P’esey e vacuna aki ta importante pa hendenan cu riesgo halto di bira malo pa via di e virus. E vacuna ta restaura nan proteccion contra hospitalisacion y ta reduci e riesgo di bira hopi malo of muri pa via di corona,” segun RIVM a enfatisa.
Segun GGD, ta actualmente innecesario pa vacuna tur hende na Hulanda contra Covid-19 pasobra e poblacion ainda tin proteccion amplio contra e virus pa via di vacunacion y infeccion den pasado. E variante actualmente dominante Omikron tambe no ta haci hende hopi malo.
