![Virus Outbreak Netherlands King's Day](https://www.bondia.com/wp-content/uploads/2020/04/AP20118387036185-696x570.jpg)
Dialuna no tabatin aglomeracion di oranje pa motibo cu e restriccionnan di coronavirus a reduci e festivalnan cu ta conmemora e cumpleaños di Rey Hulandes.
E canalnan y cayanan di Amsterdam normalmente yena cu botonan y personanan bistiendo pechi cu peluca, sombre, boots cu pluma falso y cualkier otro cos cu nan por haya na e color nacional, oranje a cambio, tabata keto ya cu a ser pidi pa gobierno pa keda cas como un d e medidanan.
Rey Willem-Alexander a celebra su 53 aña cu su famia na su cas den palacio den un bosque na Den Haag despues cu a cancela un celebracion masivo na e ciudad di Maastricht debi na e restriccionnan.
Sinembargo fiel siguidonan, algun cu sombre y camisa oranje a core bay na e portanan di cura di palacio durante oranan di mainta pa wak atraves di e railsnan.
Den un discurso televisa na nivel nacional, e rey a rindi homenahe na trahadonan di saud y otro personanan cu ta lucha contra e virus y ta spera temponan miho nos dilanti.
Hunto cu si casa Maxima y tres yiu muhe, Willem-Alexander a bisa cu e fiesta anual lo ta uno unico, “ specialmente unico pa motibo mi ta spera cu esaki lo absolutamente e ultimo dia di Rey na cas den historia”.