(NLTimes) – Corte di Apelacion na Den Haag a dicta sentencia di 35 luna den prizon contra un docente, ken a ser acusa di abusa sexualmente di 3 studiante hoben y posesion di pornografia infantil y di bestia. E docente tabata traha na un scol primario na Noordwijkerhout durante e tempo cu e crimennan a ser cometi.
Den aña 2020, Corte na Den Haag a sentencia e docente na 36 luna den prizon, 12 luna cual a ser condicionalmente suspendi. E corte di apelacion a corta un luna for di e sentencia pa motibo cu e caso a tuma hopi largo den e apelacion. Ambos corte a prohibi e persona di fungi como docente, dunador di cuido of instructor trahando cu muchanan pa 5 aña.
Dos experto a duna opinionnan cu ta contradeci otro tocante si e victimanan su declaracionnan y testimonio tabata confiabel. Corte no a considera necesario pa yama un tercer experto den e apelacion y tampoco e inclui e expertonan su opinionnan ora di aesora e caso.
“Corte a considera su mes capas di forma un opinion basa riba con confiabel e testimonio di e victimanan tabata,” Corte a declara. Nan a basa nan decision riba e documentonan den e caso y e testigonan cu a testigua durante e apelacion.
