Hulanda: 24 Persona infecta cu Hepatitis A probablemente pa medio di blueberries bendi na Albert Heijn; Ocho di nan ta den hospital

(Nu.nl) – 24 Hulandes a probablemente haya hepatitis despues di a come blueberries contamina di Albert Heijn. Ocho hende a ser hiba na hospital.

E RIVM a raporta e diahuebs. Ta trata di diestres homber y diesun muher entre 16 y 77 aña di edad. Nan a bira malo entre november y februari.

Diesnuebe hende a come e berries gevries di Albert Heijn sigur. Pa tres hende, comiendo e berries ta e motibo mas probabel cu e la ser contamina. Un persona a bira malo posiblemente via un otro pacient y un otro no ta sigur con el a bira malo.

E RIVM tabata por a detecta e virus hepatitis A den dos pakete di berries di un di e pacientnan.

Na januari a publica cu e saconan di 1 kilo di berries blauw gevries di Albert Heijn a ser contamina cu hepatitis A. E berries a bin for di Polonia.

RIVM no ta spera cu mas hende lo bira malo

Albert Heijn a saca e saconan for di e tienda y a pidi clientenan pa trece e saconan cu nan a cumpra back. Awor, e berries ta back den tienda atrobe, pero nan ta bin for di un otro pais.

RIVM no ta spera cu hende lo bira malo pa medio di e fruta mas, pasobra normalmente e ta dura entre 28 te 50 dia prome cu hende ta sinti sintomanan di e virus.