(NLTimes) – Durante un hackathon di 4 dia largo na Almere luna paa, 76 experto di 27 pais a uni forsa pa investiga tipnan online tocante contrabanda di hende. Cu e operacion aki nan a identifica 16 sospechoso ademas di 60 posibel victima segun Europol a reporta.
E hackernan etico y expertonan a investiga con e criminalnan ta haci uso di aviso online pa recluta victima y clientenan. Nan a identifica un website di dark web unda e contrabandistanan ta ofrece un rango di servicio di victimanan femenino y masculino di tur edad pa prijsnan di entre 800 pa 2,000 dollar pa ora basa riba e victima su edad y habilidadnan. “Un mucha homber of mucha muhe di ‘cas’ permanente ta bendi pa entre 20,000 pa 60,000 dollar riba e mesun website.”
E expertonan tambe a identifica un fenomeno nobo cu nan ta ama e-pimping cu aparentemente ta un interes den aumento pa e sospechosonan. “E investigadornan a detecta dos plataforma cu ta bende e ‘cursonan pa estilo di bida’ y training pa hende homber cu kier bira manager di ‘OnlyFans’, esencialmente dunando instruccion di con pa bira un e-pimp y explota hende muhe,” Europol a informa. OnlyFans ta un plataforma paga pa contenido explicito.
E hackathon yama Empact a tuma luga na Apeldoorn for di dia 17 di september te cu dia 20. Segun Europol, contrabanda di hende facilita online ta “un menasa cu ta keda crece y ta crusa frontera” y e hackathon ta un di e maneranan cu Europol y su partnernan ta “encurashando cooperacion internacional y experticio tecnologico pa contraresta e menasanan aki.”
