(AP) — Samantha Sorsby-Jones a wak su amiganan di scol tuma medidanan grandi pa por haya anticonceptivo: Pidi pa lift den secreto pa bay clinica sin permiso di mayornan y sconde celular den mata si acaso mayornan ta controla nan yiu via celular.
Cuminsando diamars, acceso pa asistencia medico pa asunto di reproduccion ta hayando evaluacion nobo na e capital di Texas, unda restriccion nobo riba asunto di anticonceptivo a wordo proponi den e prome sesion di evaluacion desde cu un prohibicion di abortus a tuma luga den e estado.
E prohibicion di abortus na Texas ta un di e mas estricto den e pais, unda prohibicion tambe ta conta den casonan di abuso sexual y incesto. Den e proximo cinco luna, lidernan Republicano ta keda sin compromiso di trece excepcion na e prohibicion. Den henter pais, derecho di asunto di reproduccion ta keda un discusion dominante. Despues di a anula e legislacion di Roe v. Wade, varios gestion a wordo introduci na varios parti di e pais.
Sorsby-Jones, 20 aña di edad, ta comparti su frustracion. Segun e hoben, anticonceptivo tabata accesibel pa hobennan na clinicanan cu ta wordo funda door di gobierno tres aña anterior. Pero un hues a demanda den december pa cera e clinicanan pa hobennan di Texas. E hues federal Judge Matthew Kacsmaryk a constata cu dunando hobennan permiso pa obtene anticonceptivo gratis na clinica ta viola derecho di mayor y ley di estado.
E clinicanan aki, cu ta wordo funda bou di un programa yama Title X, ta ofrece diferente servicio pa yuda planea pa famia y a yuda mas cu 182 mil persona den Texas na aña 2020. Un contesta riba e huicio di Kacsmaryk door di un Democrat por haya resistencia di e Republicanonan, kende a controla e legislacion pa Texas pa dos decada caba.
Pa e Republicanonan, proposicion nobo ta inclui castigo pa companianan cu ta yuda nan empleadonan busca modo di abortus otro caminda, limitacion pa haya droga cu por causa abortus via post y partimento di anticonceptivo di emergencia. Grupo contra abortus tambe ta pusha pa legisladonan funda mas servicio pa ciudadanonan di Texas cu tin yiu of ta bay haya yiu y pa expande cobertura medico pa mamanan.
Despues di a haya ayudo di un clinica di Title X, Sorsby-Jones a bisa cu e a sigui yuda otro hobennan haya recurso pa por tuma decisionnan independiente riba nan salud reproductivo. Ora e a duna boluntario cu un organisacion non-profit cu ta yuda hobennan haya acceso pa recursonan tocante salud reproductivo, Sorsby-Jones a conta cu clientenan ta varia di hobennan menor di edad cu ta experencia abuso na cas y hobennan cu no por haya permiso di mayor pa motibo cultural.
Aunke e enfoca ta riba cuido cu anticonceptivo, Sorsby-Jones ta bisa cu pa basta hoben ta importante pa nan por haya acceso medico sin haya husgamento.
Director Ehecutivo di Jane’s Due Process, Rosann Mariappuram, a bisa cu e compania a haya hopi yamada di hobennan cu pregunta despues di e huicio di december.
Den por lo menos 13 estado, abortus ta prohibi den tur fase di embaraso, cu varios excepcion. Hopi di e estadonan na Merca tambe tin planea pa discuti manera pa limita of expande acceso durante e sesionnan di evaluacion. Varios prohibicion y otro cu ta menos estricto ta wordo discuti den corte actualmente.
Representante di estado Aña-Maria Ramos, un Democrat di Dallas, a haci un proposicion cu por combati e huicio contra Title X. E mes tabata un recibido di anticonceptivo di Title X ora cu tabata hoben y e ta spera cu su proposito por podera hobennan pa haci decision pa nan mesun cuido medico y pa nan futuro.
