(AP) – A$AP Rocky su huicio ta den cuminsa y e ta na un crusada; of e lo yega nivelnan mas halto ainda den su status como celebridad den 2025 of e lo ser baha back na tera pa un huicio cu por termina den su detencion pa añanan.
E rapper di hip-hop y partner di Rihanna, cu ken e tin 2 yiu homber, ta den plan pa yega e nivel mas halto di moda como un di e miembronan di directiva mas halto di Met Gala den mei conhuntamente cu Pharrell Williams, LeBron James y otronan.
Y su carera modesto den actuacion tambe ta den plan di mehora danki na un actuacion banda di Denzel Washington den director Spike Lee su “Highest 2 Lowest,” cual ta den plan pa un publicacion den zomer.
Sinembargo na e huicio di Los Angeles cu ta anticipa di dura por lo menos 3 siman, e ta acusa di 2 agresion cu un arma di candela semiautomatico. E ta acusa di a dispara un ex amigo riba caya cerca di hotel na Hollywood den 2021. Si e keda condena, e por haya te hasta 24 aña den prizon.
E rapper di 36 aña a declara su mes inocente y su abogado ta declara cu e no a comete ningun crimen.
“Nos ta cla pa cuminsa. Hopi tempo a pasa caba,” e abogado di defensa Joe Tacopina a bisa despues di un audiencia diaranson. “E ta algo cu ta colgando riba Rocky su cabes y Rihanna y nan famianan pa hopi tempo caba. Nos ta ansioso pa e cos aki sigui cana y pa nos ta su tras.
A$AP Rocky y A$AP Relli
E huicio tin su rais den scol na New York, ora cu Rakim Mayers naci na Harlem, awo conoci como A$AP Rocky, a conoce Terell Ephron, tambe conoci como A$AP Relli, ken lo ta e huicio su testigo mas importante.
Ephron a testigua na un audiencia preliminar di 2023 cu el a hiba Rocky na un ekipo di creadornan hoben ken tabata yama nan mes A$AP, cual tabata nifica Always Strive and Prosper.”
“Nos tabatin soñonan,” Ephron a bisa.
El a testigua cu e miembronan a keda cercano hasta mientras cu Rocky tabata rico y famoso, pero e relacionnan eventualmente a deteriora. E problema a yega su punto mas fuerte na Hollywood e anochi di 6 di november 2021, ora cu segun Ephron, Rocky a dispara su persona 3 pa 4 biaha, cu e tironan raspando su knuckles.
Ephron a bay polis dos dia despues y a hiba e restonan di bala cu e mes a piki – ambos punto cu e defensa lo traha riba dje. “Bo mester mas cu MR. Ephron su testimonio so,” Abogado di Districto Paul Przelomiec, e caso su fiscal principal, a conta hues na audiencia den 2023.
Personanan clave den e huicio
E huicio ta yen di nombernan grandi, conhuntamente cu dos nomber cu lo colga riba e proceso apesar cu nan no ta hunga un rol directo: President Donald Trump y Rihanna.
Trump no tin poder riba e proceso aki, y no por duna Rocky pordon si e keda condena. Esnan cu ta anticipa e caso tin tempo puntrando si Rihanna lo ta presente.
“E mama di su yiunan lo ta presente?” Corte Superior su hues Judge M?Ark Arnold a puntra defensa na un audiencia den october. “E ta bon bini ki dia cu e kier pero mi lo kier sa.”
Tacopina no por a duna un contesta definitivo pero a bisa cu e no ta anticipa esaki. “E ta hopi protectivo di Rihanna y no kier pa e ta cerca di e proceso aki,” el a bisa despues di diaranson su audiencia. “Pero esaki ta un decision familiar cu nan lo haci.”
E evidencia contra A$AP Rocky
E caso contra Rocky lo depende grandemente riba con creibel e huradonan haya Ephron.
E oficialnan cu a haci un buskeda na e caminda unda e incidente a sucede no a haya ningun resto di bala. Polis no a recupera vingerprint di e balanan cu Ephron a entrega tampoco y no a haya un pistola di 9mm ora cu a haci un inval contra Rocky.
Tacopina a bisa cu te ainda n a dicidi si Rocky lo testigua, cual e ta legalmente permiti no haci.
