Diaranzon 9 di juni 2021 huez a dicta cu e corant matutino Awe Mainta no mester rectifica su mes contra Sra. Hassell pa e articulo cu e corant a publica contra dje.
Hassell a denuncia e corant matutino Awe Mainta pa rectifica e articulo cu el a publica dia 27 di Maart 2021 caminda nan ta skirbi cu Hassell ta of a tene un relacion amoroso cu e ex preso Juan “Blauw” Quant. Hassel su denuncia ta basa ariba e punto cu e corant no a asisti cerca dje pa desmenti of duna su comentario y cu Awe Mainta a publica e articulo a base di speculacion solamente.
Veredicto
Huez a dicta cu Awe Mainta no mester rectifica su mes contra di Sra. Hassel pa e articulo cu nan a publica contra di dje pa motibo cu e ilegalidad di e publicacion no ta a base di loke nan a skirbi, pero si no pa loke nan a falta di skirbi, sin embargo e la sugeri pa Awe Mainta menciona den un di su publicacionnan cu e articulo a wordo publica a base di rumornan solamente , locual huez ta considera un acto ilicito contra Sra. Hassell.
