(nltimes.nl) – Dos hues ta tene e Gobierno Hulandes responsabel pa e diferencia di sueldo entre hende homber y hende muhe den e sistema hudicial. Den un carta entrega na gobierno diaranson, nan a demanda pa e politica actual di schaal di sueldo wordo aboli y substitui cu un sistema di remuneracion fiho. Nan tambe kier pa e Estado paga compensacion pa hende muhe pa e diferencia di sueldo.
E huesnan ta traha hunto cu e grupo di interes pa emancipacion Bureau Clara Wichmann riba e caso aki. Si e Estado no reacciona den dos siman, nan lo presenta un keho na e Instituto di Derechonan Humano di Hulanda.
Pa hopi aña ta conoci cu hende muhe ta wordo paga menos cu hende homber na manera structural, aunke esaki no ta permiti pa ley, abogada Marlies Vegter di Bureau Clara Wichmann a bisa na NOS. Den e sistema hudicial, e diferencia di sueldo ta casi 8% den promedio. “E ta varia, pero e por ta tanto manera 10%. Esey ta e sumanan significante.”
Cualkier hende cu ta cuminsa traha como un hues of un fiscal ta wordo escala segun nan ultimo salario gana. Y esey ta e problema, Vegter a splica. “Na tur lugar den sociedad bo ta mira cu hende muha ta traha mas frecuente den profesionnan social, incluyendo como abogado. Na un institucion social, bo ta gana menos cu un hende cu tin un salario comercial di Zuidas. E desigualdad aki ta continua ora cu bo bay traha den e husticia.”
E sistema actual di schaal ta contra di e constitucion, un grupo di 138 hues, consehero y huesnan den training a skirbi recientemente un manifiesto. Nan ta argumenta pa un sistema di remuneracion fiho, estableciendo un salario fiho pa diferente profesionnan den e sistema hudicial. “Y si esey no ta suficiente pa bo, pues esaki no ta e profesion pa bo,” Vegter a bisa na NOS.
