(AP) — Un hues federal diahuebs a rechasa un demanda presenta pa un grupo di demandante transgenero naci na Tennessee sperando pa convence e estado pa laga nan cambia e designacion di sexo riba nan certificado di nacemento.
E demandantenan a busca pa repele un ley di 1977 cu generalmente ta prohibi cambionan asina. Nan a bisa cu esaki ta discrimina inconstitucionalmente contra hende transgenero y cu e designacion di sexo riba nan certificado no ta corecto pasobra no ta refleha nan identidad di genero.
E demanda tambe a argumenta cu e politica ta dañino, bisando cu ora hende transgenero mustra nan certificado di nacemento como identificacion, e diferencia entre e documento y nan identidad di genero ta expone nan na posible acoso y hasta violencia.
Hues Eli Richardson a skirbi den su decision pa rechasa cu mientras cu tin definicionnan variante di “sexo”, e termino “tin un significado specifico y hopi estrecho” pa e proposito di certificado di nacemento: “genitalnan externo na momento di nace.” Basa riba e definicion limita aki, e designacion no ta bira incorecto “na momento cu eventualmente ta compronde cu e ta diferente na e identidad di genero di e persona transgenero,” Richardson a bisa.
E demandantenan a argumenta cu “sexo” mester ta defini pa identidad di genero.
Lambda Legal, cu a presenta e demanda den nomber di e personanan, a critica e veredicto bisando cu ta evaluando siguiente stapnan. A bisa cu e decision ta bin mientras e supermayoria Republicano na Tennessee ta atacando derechonan transgenero. Esfuersonan aki ta inclui prohibi cuido pa afirma genero pa menornan di edad; protege maestronan cu no ta usa e pronombrenan preferi di studiantenan contra demanda legal; defini “masculino” y “femenino” di manera cu ta preveni cambio riba rijbewijs y certificado di nacemento; y prohibi scolnan priva di laga muchanan muhe transgenero competi den deporte di team femenino.
