(NLTimes) – Gobierno Hulandes no por revoca e ciudadania di un homber naci na Amsterdam cu tin nacionalidad Hulandes y Marocano, y cu anteriormente a condena pa ofensanan terorista segun decision di corte.
E decision aki ta declara cu kita su nacionalidad Hulandes ta den violacion di United Nations Convention on Elimination of Racial Discrimination, pa motibo cu esaki ta crea un trato desigual basa riba origen nacional.
E decision ki ta desafia e autoridad di secretario di estado pa Husticia y Seguridad, ken tin e poder bao ley Hulandes di revoca ciudadania di individuonan condena cu terorismo. Sinembargo, regulacionnan internacional y ley Hulandes ta prohibi laga un persona sin estado, cual ta nifica cu solamente por kita nacionalidad Hulandes for di personanan cu tin un nacionalidad doble. Algun pais, incluyendo Maroco, no ta permiti individuonan renuncia na nan nacionalidad, cual ta complica e problema mas ainda.
E homber di 38 aña, naci na Amsterdam, automaticamente a adkiri nacionalidad Marocano ora cu el a nace a causa di e nacionalidad di su mayornan. El a ricibi su nacionalidad Hulandes cu 9 aña. Den 2018, un corte criminal Hulandes a sentencia su persona na 5 aña y 4 luna en prizon pa crimennan relaciona cu terorismo. Despues di a cumpli su sentencia, a laga su persona bao libertad.
E homber a desafia gobierno su decision di kita su ciudadania, argumentando cu esaki ta constitui discriminacion ilegal contra ciudadanonan Hulandes cu tin nacionalidad doble compara cu esnan cu tin un ciudanania Hulandes so. El a bisa cu e politica aki ta den contradiccion cu tratadonan internacional.
Corte a haya cu e distincion haci den revocacion di ciudadania ta basa no solamente riba nacionalidad pero tambe riba origen etnico. El a declara cu origen etnico – defini como unda un persona of su mayornan a nace – ta hunga un rol clave den e determinacion di nacionalidad bao algun pais su ley.
Den e caso aki, e homber automaticamente a obtene nacionaldiad Marocano a causa di unda su mayornan ta bin. Corte a enfatisa cu haci distincion legal basa riba origen etnico nunca ta permiti bao ley di Union Europeo y ley internacional.
Pa ilustra e efecto discriminatorio, e corte a provee un ehempel: 3 persona, cada un condena di e mesun ofensa terorista, tin diferente status di ciudadania. Un solamente tin ciudadania Hulandes, otro tin nacionalidad doble Hulandes y Marocano y e tercer tin nacionalidad Hulandes y Turco. E ciudadano Hulandes-Marocano automaticamente ta perde su nacionalidad pa motibo cu nan no por renuncia na nan ciudadania Hulandes. E ciudadano Turco Hulandes tambe lo perde nacionalidad Hulandes al menos cu nan boluntariamente renuncia na nan ciudadania Turco.
E corte a dicidi cu haci asina un distincion ta duna desbentaha inhusto na personanan cu nacionalidad doble compara cu esnan cu ya caba ta Hulandes so. Esaki, e huesnan a conclui, ta den violacion di obligacionnan internacional cu Hulanda tin cu cumpli cune. E decision ta alinea cu preocupacionnan anteriormente treci dilanti pa United Nations Special Rapporteur on Racism.
Ademas di revoca e ciudadania, e secretario di estado tambe a duna un ordo di deportacion y a impone un prohibicion na entrada di 20 aña contra e homber en cuestion. Sinembargo, pa motibo cu corte a invalida e revocacion di su ciudadania, e medidanan aki no por keda implementa.
