(AP) – Prins Harry a ser golpia cu un recibo legal pisa diahuebs y a ricibi ordo di splica con e comunicacionnan entre su persona y un escritor anonimo di su memoir a ser destrui despues cu abogado di The Sun a acusa su persona di un confusion “sorprendentemente” den su demanda unda e ta bisa e corant a viola su privacidad ilegalmente pa medio di ilegalmente vigila su persona.
Hues Timothy Fancourt a bisa cu tabata preocupante cu tur comunicacion entre Duke di sussex y escritor J.R Moehringer, conhuntamente cu tur version anterior di “Spare,” a keda destrui.
Abogado anthony Hudson a bisa na Corte Halto cu Harry a crea un “curso di obstaculo” pa provee documentonan cu mester keda revela den litigacion y “nos mester a obliga e acusador bisa esaki.”
News Group Newspapers, publicador di The Sun, a ser otorga 167,000 dollar den gastonan legalpa exito den un peticion pa tin mas buskeda pa data riba Harry su laptop y cualkier mensahe di texto riba Whatsapp y signal cu por ta util den nan defensa.
Harry su abogado a bisa cu News Group tabata cuminsando un “buskeda clasico” pa documentonan cu e mester a busca mas trempan den e caso cu tabatin den januari.
Harry ta un di decenas di acusador, cual ta inclui e actor Hugh Grant, acusando cu entre 1994 y 2016, News Group su reporteronan y investigadornan cu nan a contrata a viola nan privacidad pa medio di intercepta vocemail, telefon, vehiculo y usa decepcion pa tin acceso na informacion confidencial.
NGN a duna un disculpa no reserva na e victimanan di e intercepcion di voicemail haci pa News of the World. NGN a bisa cu nan a yega areglo den 1,300 caso pa su corantnan aunke The Sun nunca a acepta culpabilidad.
The Sun a gana victoria parcial ora cu Fancourt a retira Harry su acusacionnan di hacking di telefon pa motibo cu el a trece esaki dilanti demasiado laat. El a declara cu Harry mester a ta altanto di e scandal cu a rondona News of the World y pa motibo aki, por a trece e demanda dilanti dentro di e limitacion di 6 aña.
E corant kier usa e defensa di limitacion di tempo na e huicio y ta buscando comunicacionnan cu ta demostra cu Harry tabata altanto di e acusacionnan contra e corant tocante otro metodonan ilegal di yega na informacion prome cu 2013, 6 aña prome cu el a demanda den 2019.
Fancourt a bisa cu e comunicacionnan bieu y te hasta esnan te cu e publicacion di 2023 di su memoir por provee evidencia cu e tabata altanto di e informacion ilegal cu a ser reuni añanan anterior. El a duna otro na Harry, ken no tabata presente, di provee un declaracion di testigo unda e ta splica kico a pasa cu e comunicacionnan entre su persona y Moehringer.
Sherborne a bisa cu Harry no a usa mensahenan pa trata reunion di informacion fuera di ley.
