(AP) – Un hues federal a duna veredicto cu e demanda revisa anti-competencia di Federal Trade Commission (FTC) contra Meta, anteriormente conoci como Facebook, por procede, rechasando e solicitud di e compania di rednan social pa un rechaso di e demanda.
Den un keho revisa entrega augustus ultimo, FTC ta argumenta cu e compania a ehecuta un strategia ‘cumpra of dera’ contra rivalnan pa suprimi competencia.
Esaki ta e segundo accion anti-competencia di FTC contra e compania. Un hues federal na juni a rechasa demandanan anti-competencia entrega contra Facebook door di e agencia y un coalicion amplio di fiscalnan estatal cu tabata entre esfuersonan multiplicando di reguladornan federal y estatal pa controla e poder di mercado di gigantenan tecnologico.
FTC ta buscando remedinan cu por inclui un separacion forsa di e servicionan popular di Facebook – WhatsApp y Instagram – of un restructuracion di e compania.
Hues di districto Mericano, James Boasberg, kende na juni a duna veredicto cu e demanda original di FTC tabata ‘legalmente insuficiente’’ y no a duna suficiente evidencia pa proba cu Facebook tabata un monopolio, a bisa den veredicto ayera cu e prome keho a ‘sali di e inicio’.
Pero el a agrega cu, maske e ‘teoria central’ di e demanda – cu Facebook ta un monopolio participando den comportamento anti-competitivo – ta keda sin cambio, e hechonan alega e biaha aki ta ‘hopi mas robusto y detaya cu anteriormente’.
Meta a bisa den un declaracion via e-mail cu e compania tin tur confiansa ‘cu e evidencia ta bay revela e debilidad fundamental di e acusacionnan’. “Nos inversionnan den Instagram y WhatsApp a transforma nan den loke nan ta awe”, e compania a bisa. “Nan ta bon pa competencia, y bon pa e hende y negoshinan cu ta scoge pa usa nos productonan.”
Holly Vedova, director di bureau di competencia di FTC, a bisa cu e agencia a presenta ‘un keho fuerte cu amienda, y nos ta anticipando un huicio’.
