(AP) – Angelina Jolie ta critica e hues encarga cu e decision tocante e custodia di su yiunan cu Brad Pitt, bisando cu e hues a nenga di tende e testimonio cu e muchanan tabatin.
Jolie, ken a ta buscando descualifica e hues John Ouderkirk di su caso di divorcio, a bisa dialuna cu e hues a nenga di tende evidencia cu e muchanan tabatin cual ta relevante tocante nan siguridad y bienestar. E documentonan no ta elabora riba cua e evidencianan aki ta.
“Hues Ouderkirk a nenga di duna Jolie un caso husto na momento cu el a descarta inapropiadamente evidencia cu ta relevante pa e siguridad, bienestar y salud di e muchanan, evidencia cu ta critico pa e por gana e caso” segun e documentonan cu a aplica na California’s Second District Court of Appeal.
“E actris ta bisa tambe cu e hues a “faya di considera adecuadamente” un seccion di e codigo di California Court, cual ta bisa cu ta dañino pa tene e miho interes di e mucha si ta otorga custodia na un persona cu tendencia di violencia domestico. E documento no ta bisa na cua violencia domestico e ta referi.
Jolie a cuminsa e proceso di divorcio na 2016, dianan despues cu un discusion a surgi entre e actornan y nan yiunan durante un vbuelo priva di Francia pa Los Angeles. A acusa Pitt di ta un tata abusivo contra su yiu di 15 aña na e tempo ey. Jolie su abogado ta comenta cu “Jolie a Busca divorcio pa e bienestar y salud di e famia.”
Jolie ta bisa cu e hues no kier a tende e “testimonio di e muchanan, ni tampoco nan deseonan tocante ken nan kier pa tin e custodia, ni tampoco kier a tende tocante nan experiencianan pa cu nan tata.”
Pitt su abogado a comenta tocante e apelacion di Jolie, bisando cu “e hues a conduci e caso na un manera hopi delicado, detaya y husto, y a yega na un decision despues di a tende testimonio y comentario di expertonan.
Pitt ta bisa cu e hues a haya cu Jolie su testimonio “tabata falta credibilidad den areanan importante, y e custodia actual mester ser modifica, manera cu Pitt a pidi, na e miho interes di e muchanan.”
E custodia actual no ta revela, pero si a revela cu Jolie ta buscando custodia completo, mientras cu Pitt kier un custodia comparti.
